АВТОЗАМ АШИГЛАСНЫ ТӨЛБӨРИЙГ ЦАХИМААР ТӨЛӨХ БОЛОМЖТОЙ
  • 2022.05.25

Олон улс, улсын чанартай авто зам ашигласны төлбөрийг цахимаар авах туршилтын  ажил Улаанбаатар орчмын “Эмээлт”, “Налайх-Тэрэлж”, “Хоолт”, “Түргэний гүүр”-ийн төлбөр авах цэгүүдэд хийгдэж байна.

Тээврийн хэрэгсэл эзэмшигч та И-баримт, Сошиалпэй, Монпэй аппликейшний аль нэгийг сонгон өөрийн эрхээр нэвтэрч тээврийн хэрэгслийн улсын дугаарыг бүртгүүлнэ. Ингэснээр дээрх төлбөр авах цэгээр бэлэн мөнгө, банкны картаар үйлчлүүлэн, хүлээж зогсохгүй шууд өнгөрөх боломжтой. Монгол улсын хэмжээнд олон улс, улсын чанартай автозам ашигласны төлбөр авах 28 цэг үйл ажиллагаа явуулдаг. Цаашид эдгээр бүх цэгийг цахимжуулах зорилготойгоор ажиллаж байна. Төлбөр авах цэгийг цахим болгосноор тээврийн хэрэгсэл эзэмшигчийн цагийг хэмнэх, төлбөр авах цэгт үүсэх түгжрэлийг бууруулах, төлбөр төлөлтийг илүү амар хялбар болгох зэрэг давуу талтай.

Хэрэв та И-баримт, Сошиалпэй, Монпэй апплэйкшнд хувийн бүртгэлээ үүсгээгүй бол дараах линкээр нэвтэрч бүртгүүлээрэй. Үүний дараа доорх зааврын дагуу тээврийн хэрэгслийнхээ улсын дугаарыг бүртгүүлснээр цахим үйлчилгээг хялбараар авах боломжтой.

И-баримт аппликейшн татах: iOS ebarimt on the App Store (apple.com)
                                                  Android  ebarimt - Apps on Google Play

Monpay  аппликейшн татах:    https://monpay.mn/app.html 

Socialpay аппликейшн татах: https://digital.golomtbank.com/product/

Аппликейшнд нэвтрэн тээврийн хэрэгслийн улсын дугаарыг бүртгүүлэхдээ дараах зааварыг ашиглаарай.

 

Цахимаар төлж

Цагаа хэмнэе

Зам, тээврийн хөгжлийн төв ТӨҮГ