Оранж пач нэмэлттэй хүйтэн асфальтбетон хольцыг лабораторийн нөхцөлд туршин үйлдвэрлэж, талбайн туршилт хийлээ.
  • 2019.07.30
Япон улсын “Сентрал техно” ХХК-ний мэргэжилтэнтэй хамтран “Оранж пач” нэмэлттэй шингэн битум ашиглан хүйтэн асфальтбетон хольцыг ЗБЭШСИТлабораторид туршилтын дээж үйлдвэрлэлээ. “Оранж пач” нэмэлт нь оранж жимсний хальсны тосноос гарган авсан нэмэлт бөгөөд жимсний үнэртэй, эрүүл мэндэд хор нөлөө багатай бүтээгдэхүүн юм.

Уг нэмэлтийг ашигласан хүйтэн асфальтбетон хольцыг цаг агаарын ямарч нөхцөлд ашиглахад тохиромжтой, хөдөлмөр зарцуулалт бага, цаг хугацааг хэмнэх давуу талтай бүтээгдэхүүн юм.

Дээрх хүйтэн асфальтбетон хольцыг Улаанбаатар – Мандалговь чиглэлийн авто замын засварын ажилд 2019 оны 07 дугаар сарын 25, 26-ны өдрүүдэд амжилттай туршлаа. Цаашид туршилтын замд ажиглалт хийж, ашиглалтын чанарыг нь тогтоож ажиллана.

Зам, тээврийн хөгжлийн яам,

“Зам тээврийн хөгжлийн төв” ТӨҮГ