• header3.jpg

Өвлийн хүйтний улиралд Олон улс, Улсын болон орон нутгийн чанартай Авто зам, даваагаар зорчин явж буй тээврийн хэрэгсэл эзэмшигч бүр өөрсдийн хариуцсан бүрэн авто техникийг холбогдох хангалттай шатах тослох материалууд, жолоочийн хувийн болон хамт яваа зорчигчдын ая тухтай зорчих нөхцлийг бүрэн хангаж, дулаан хувцас, хуурай хүнс хэрэгсэл зэрэг бусад бэлтгэлийг базааж, замын хөдөлгөөнд анхаарал болгоомжтой, соёлтой оролцохыг уриалж байна!

МЭНДЧИЛГЭЭ

Image may contain: 1 person

Айлчлан ирж буй шинэ жилийн баяр, 2019 онд тохиох Авто замын салбар үүсч хөгжсөний түүхт 90 жилийн ойн мэндийг өргөн дэвшүүлж, Авто замын салбарт ажиллаж байгаа нийт замчид, инженер техникийн ажилтнууд болон ахмад буурлууд тэдний гэр бүлд эрүүл энх, сайн сайхан бүхнийг ерөөн мэндчилж байна. 

Манай үе үеийн замчид салбарынхаа өмнө тавигдсан зорилтыг биелүүлэхийн төлөө сэтгэл зүтгэлээ зориулан ажиллаж, тээврийн хэрэгслийг саадгүй нэвтрүүлж, зам хэрэглэгчийн ая тухтай байдлыг ханган, төр түмэндээ үйлчлэх эрхэм үүргээ нэр төртэй биелүүлж, улс орныхоо нийгэм, эдийн засгийн хөгжилд үнэтэй хувь нэмэр оруулсаар ирсэн. 

Зам, тээврийн хөгжлийн төв нь 2018 онд олон шинэ санал санаачлагуудыг дэвшүүлэн нэр төртэйгээр хэрэгжүүлэн ажиллалаа. Тухайлбал:

Авто замын тухай хууль /шинэчилсэн найруулга/-ийн хүрээнд Олон улс, улсын чанартай авто зам, замын байгууламжийн бэлэн байдал, хөдөлгөөний аюулгүй байдлыг хангах зорилгоор авто замын салбарт шинээр “ХӨДӨЛГӨӨНТ ЭРГҮҮЛ”-ийн үйл ажиллагааг шинээр нэвтрүүлэн авто зам, замын байгууламжийн нөхцөл байдлыг тодорхой давтамжаар шалгаж, зам хэрэглэгчдийг аваар осолгүй, тав тухтай, түргэн шуурхай зорчих бололцоогоор бүрэн хангах ажлыг эхлүүлэн үр дүнтэй хэрэгжиж байна

Мөн нийт ажилтнуудын ажиллах нөхцөлийг сайжруулах зорилгоор санал боловсруулан, Төрийн өмчийн бодлого зохицуулалтын газраар “Авто замын тоног төхөөрөмжийн түрээс” компанийн 2 давхар оффисын барилга, 30 автомашины гарааш, 0,4 га газрыг тус төвд шилжүүлэн авах асуудлыг шийдвэрлүүлэн их засвар хийж, оффисын зориулалтаар ашиглаж эхэлснээр 1 ажилтанд ногдох талбай 5 метр квадрат болж стандарт шаардлагад нийцэн сайжирсан төдийгүй гараашийн зориулалтаар ашиглагдаж байсан барилгыг тохижуулан, 350 метр квадрат талбай бүхий спорт заал болгосноор Авто замын салбарынхан түүхэндээ анх удаа спорт заалтай боллоо. 

Зам, тээврийн хөгжлийн яамны зүгээс 2018 оныг хөдөлгөөний аюулгүй байдлыг хангах жил болгон зарласантай холбогдуулан, олон улс, улсын чанартай авто зам, замын байгууламжид стандартад нийцсэн 6148 ширхэг хөдөлгөөний аюулгүй байдлын тэмдэг, 175 ширхэг мэдээллийн самбар, 169340 урт метр хэвтээ тэмдэглэгээг сэргээх, 640 урт метр туузан хашлага суулгах ажлыг амжилттай хэрэгжүүлээд байна. 

Түүнчлэн Монгол улсын нийгэм эдийн засгийн хөгжилд чухал нөлөө үзүүлэх “Газрын тос боловсруулах үйлдвэр барих төсөл”-ийн Сайншанд - Газрын тос боловсруулах үйлдвэр чиглэлийн хүнд даацын тусгай зориулалтын 20 км авто зам, 27 км төмөр замын барилгын ажлын техник технологийн байнгын хяналтыг “Ай Си Ти Сайн Консалтинг” ХХК-тай түншлэн амжилттай хэрэгжүүллээ. 

Зам, тээврийн хөгжлийн Сайдын 2018 оны 90 дүгээр тушаалаар тус төвд олгогдсон “Авто замын норм, нормативын сан”-ийн чиг үүргийг хэрэгжүүлэн ажиллах үүргийн дагуу 2018 онд хэрэгжүүлэх төсөл, арга хэмжээний төлөвлөгөөг гарган, амжилттай хэрэгжүүлэхийн зэрэгцээ, авто зам, замын байгууламж, төмөр зам, аэродром, өргөтгөл шинэчлэлтийн нийт 151 зураг төсөлд магадлал хийх ажлыг зохион байгуулж, зам, гүүрийн барилгын болон засварын ажилд хэрэглэгдэх материалын 2150 дээжинд орц тогтоох, сорил туршилтын ажлыг хийж, үр дүнг боловсруулан үйлдвэрлэлд нэвтрүүлэн, Ховд аймагт салбар лаборатори байгуулан ажиллуулж байна. 

Улсын төсвийн хөрөнгөөр санхүүжсэн авто зам, гүүрийн барилгын ажлын нийт 31 объектод өдөр тутмын технологийн хяналтыг хийж, 11 объект улсын байнгын  ашиглалтад оруулж, авто замын засвар арчлалтын ажилд нийт 20 тэрбум.төгрөгийн төлөвлөгөөг батлуулан хэрэгжилтийг 100% ханган зохион байгуулж, шинээр ашиглалтад орсон болон хуучин ашиглагдаж байгаа нийт 844.5 км хатуу хучилттай авто зам, нэр бүхий 9 гүүрэнд чанар байдлын судалгааны ажлыг хийж гүйцэтгэн дүгнэлтийг гарган ажиллалаа. 

Олон улсын болон улсын чанартай авто замаар зорчиж байгаа тээврийн хэрэгслээс төлбөр авах 19 цэгийн үйл ажиллагааг амжилттай зохион байгуулж нийт авто замын санд 7.6 сая төгрөг төвлөрүүлэн орлогын төлөвлөгөөгөө 128 хувиар давуулан биелүүлсэн их амжилтаар шинэ оноо угтаж байгаадаа баяртай байна. 

Айлчлан ирж буй 2019 онд Улс орны минь хөгжил дэвжин дээшилж, Монгол орныхоо аймаг орон нутгийг авто замын сүлжээгээр холбож, хүн ардынхаа амьдрал үйлсийг дээшлүүлж, улс орноо хөгжүүлэхийн төлөө зорин ажиллаж, нэр хүндтэй үйлс бүтээж байгаа нийт авто замчдын маань ажил үйлс дэлгэрэн дэвжиж, амжилт бүтээл арвинтай байх болтугай.

 

 

Та бүхэнд Шинэ жилийн мэнд хүргье

  

Алтан шар замын хишиг буян

Ашид мөнхөд ивээх болтугай

 

 

ЗАМ, ТЭЭВРИЙН ХӨГЖЛИЙН ТӨВИЙН ЗАХИРАЛ Р.БУД

МЭНДЧИЛГЭЭ

XVII жарны “Тийн унжлагат” хэмээх шороон нохой жилийн сар шинийн мэндийг Авто замын салбарт ажиллаж байгаа замчид, инженер техникийн ажилтнууд болон ахмад буурлууд тэдний гэр бүлд болон нийт Монголчууддаа дэвшүүлж, эрүүл энх, сайн сайхан бүхнийг ерөөн мэндчилж байна.

Монгол Улсын Авто замын салбарын үндэс суурийг тавьж, авто замын сүлжээг байгуулан хөгжүүлэхэд оюун ухаан, бие сэтгэл, хүч хөдөлмөрөө зориулж ирсэн ахмад буурлуудынхаа хөдөлмөр бүтээлийг баярын энэ өдрүүдэд бахархан дурсахад таатай байна.

Замчид бид Авто замын салбарын хөгжлийн тулгуур багана болсон Авто замын тухай хуулиа шинэчлэн 2017 оны 5 дугаар сарын 11-ны өдөр УИХ-аар батлуулж, 2017 оны 7 дугаар сарын 1-ний өдрөөс эхлэн мөрдөн ажиллаж байна.

Дээрх хуулиар ЗТХТ-ийн эрхлэх үйл ажиллагааны үндсэн чиглэл нэлээд хэмжээгээр өргөжсөн тул түүнтэй уялдуулан захиалагчийн хяналтын зардлын хэмжээг нэмэгдүүлэн зам засварын ажлын төсөвт өртгийн 4%-иар тооцож байхаар ЗТХ-ийн сайдын тушаалаар шийдвэрлүүллээ.

Мөн Дэлхийн авто замын нийгэмлэг /World Road Association/-д албан ёсны гишүүнээр 2017 оны 8 дугаар сарын 21-ний өдөр шинээр элсэж, үйл ажиллагаанд нь идэвхтэй оролцох чиглэл баримтлан ажиллаж байна.

“Авто зам, замын байгууламжид нэвтрүүлж буй дэвшилтэт технологи” сэдэвт Олон улсын авто замын эрдэм шинжилгээний хурлыг 2017 оны 11 дүгээр сарын 17-ны өдөр Сorporate “Convention center”-ийн Улаанбаатар танхимд амжилттай зохион байгуулсан. Хуралд гадаад, дотоодын нийт 37 байгууллагын 100 гаруй төлөөлөгч оролцож, 15 судалгааны ажлын үр дүнгээр эрдэмтэн мэргэд, судлаачид, инженер техникийн ажилтнууд илтгэл тавьж хэлэлцүүлсэн. Энэ нь сүүлийн жилүүдэд хийгдээгүй шинэлэг ажил болж, эрдэм шинжилгээний ажилд залуучуудын оролцоог нэмэгдүүлэхэд чухал түлхэц боллоо.

Улсын төсвийн хөрөнгөөр санхүүжсэн авто зам, гүүрийн барилгын ажлын нийт 12 объектод өдөр тутмын технологийн хяналтыг хийж, Улсын байнгын ашиглалтад 5 объект оруулж, авто замын засвар арчлалтын ажилд нийт 22 тэрбум төгрөгийн төлөвлөгөөг батлуулан хэрэгжилтийг 100% ханган зохион байгуулж, шинээр ашиглалтад орсон болон хуучин ашиглагдаж байгаа нийт 1300.33 км хатуу хучилттай авто замд чанар байдлын судалгааны ажлыг хийж гүйцэтгэн дүгнэлтийг гарган ажиллаа.

Мөн авто зам, замын байгууламж, төмөр зам, аэродром, өргөтгөл шинэчлэлтийн нийт 71 зураг төсөлд магадлал хийх ажлыг зохион байгуулж, зам, гүүрийн барилгын болон засварын ажилд хэрэглэгдэх материалын 1518 дээжинд орц тогтоох, сорил туршилтын ажлыг хийж, үр дүнг боловсруулан үйлдвэрлэлд нэвтрүүлэн ажиллаа.

Олон улсын болон улсын чанартай авто замаар зорчиж байгаа тээврийн хэрэгслээс төлбөр авах 19 цэгийн үйл ажиллагааг амжилттай зохион байгуулж авто замын санд нийт 7.006.0 сая төгрөг төвлөрүүлэн орлогын төлөвлөгөөгөө 132 хувиар давуулан биелүүлсэн их амжилтаар ирж буй Шороон нохой жилээ угтаж байгаадаа баяртай байна.

Авто замын салбарын түүхт 90 жилийн ойг угтан “Бахархалын дэвтэр”-ийг санаачлан салбарын хөдөлмөрийн баатар, гавьяатуудаанхаа хийж бүтээсэн ажил үйлсийг мөнхжүүлэн хэвлүүлж, нийтийн хүртээл болгосон бөгөөд авто замын салбарын 70 жилийн ойгоор анх удаа хэвлүүлж байсан “Их замын тэмдэглэл” номын VI-р дэвтэр болон “Анхдагчдын ном”-ийг эмхтгэн гаргахаар ажиллаж байна.

Манай үе үеийн замчид салбарынхаа өмнө тавигдсан зорилтыг биелүүлэхийн төлөө сэтгэл зүтгэлээ зориулан ажиллаж, тээврийн хэрэгслийг саадгүй нэвтрүүлэх, зам хэрэглэгчийн ая тухтай байдлыг ханган ажиллах, төр түмэндээ үйлчлэх эрхэм үүргээ нэр төртэй биелүүлж, улс орныхоо нийгэм, эдийн засгийн хөгжилд үнэтэй хувь нэмэр оруулсаар ирсэн.

XVII жарны “Тийн унжлагат” хэмээх шороон нохой жилд улс орны минь хөгжил дэвжин дээшилж, Монгол орныхоо аймаг орон нутгийг авто замын сүлжээгээр холбож, хүн ардынхаа амьдрал үйлсийг дээшлүүлж, улс орноо хөгжүүлэхийн төлөө зорин ажиллаж, нэр хүндтэй үйлс бүтээж байгаа нийт авто замчдын маань ажил үйлс дэлгэрэн дэвжиж, амжилт бүтээл арвинтай байх болтугай.

Монгол түмэн маань элгээрээ энх амгалан, төрлөөрөө төвшин сайхан байхын өлзийтэй ерөөлийг өргөн дэвшүүлье.

Алтан шар замын хишиг буян ашид мөнхөд ивээх болтугай.

Та бүхэн сар шинэдээ сайхан шинэлээрэй.

ЗАМ, ТЭЭВРИЙН ХӨГЖЛИЙН ТӨВИЙН ЗАХИРАЛ Р.БУД

Эрхэм зорилго

Зам, тээврийн салбарт эрдэм шинжилгээ, судалгаа, инновацийн үйл ажиллагааг шинжлэх ухааны үндэслэлтэй хөгжүүлж, судалгаа хөгжүүлэлтийн үр дүнг эцсийн бүтээгдэхүүн болгон үйлдвэрлэлд нэвтрүүлэх, салбарын хөрөнгө оруулалтын үр өгөөжийг нэмэгдүүлэхэд тус Төвийн эрхэм зорилго оршино.

Зочин

842708
Өнөөдөр
Өчигдөр
Энэ долоо хоногт
Энэ сард
Өнгөрсөн сард
Бүгд
260
1194
260
27000
30957
842708

Таны IP: 52.23.192.92
Now is: 2019-02-24 04:38:13

Холбоо барих

Монгол Улс, Улаанбаатар хот,

Баянгол дүүрэг, 20-р хороо,

ЗТХТ-ийн байр

976-70003706
976-70007636
info@rtdc.gov.mn

Шуудангийн хаяг: СХД, Монгол шуудан 21-р салбар ЗТХТөв

Видео

 

Фото