• header3.jpg

Өвлийн хүйтний улиралд Олон улс, Улсын болон орон нутгийн чанартай Авто зам, даваагаар зорчин явж буй тээврийн хэрэгсэл эзэмшигч бүр өөрсдийн хариуцсан бүрэн авто техникийг холбогдох хангалттай шатах тослох материалууд, жолоочийн хувийн болон хамт яваа зорчигчдын ая тухтай зорчих нөхцлийг бүрэн хангаж, дулаан хувцас, хуурай хүнс хэрэгсэл зэрэг бусад бэлтгэлийг базааж, замын хөдөлгөөнд анхаарал болгоомжтой, соёлтой оролцохыг уриалж байна!

ХАМТРАН АЖИЛЛАХ ТАЛААР САНАЛ СОЛИЛЦЛОО

Зам, тээврийн хөгжлийн төвийн захирал Р.Буд хэлтсийн дарга нар болон МАЗИН-ын Гүйцэтгэх Захирал О.Наранбаатарын хамтаар Япон улсын Эрдэм шинжилгээний институтийн (Japan Public works Research Institute) Бетон бүтээцийн судалгааны төвийн Ахлах судлаач, Доктор Ёшинобу Ошима болон Нихон дайгаку их сургуулийн багш Ямада нарыг хүлээн авч ажил хэргийн уулзалт хийлээ.

Уулзалтын үеэр төлөөлөгчид төвийн үйл ажиллагаа болон Зам барилгын эрдэм шинжилгээ судалгааны итгэмжлэгдсэн төв лабораторитой танилцаж, цаашид эрдэм, шинжилгээ, судалгаа, сургалт, семинар гэх мэт олон чиглэлээр хамтран ажиллах талаар санал солилцож, төвийн Захирал Р.Буд цаашдын хамтын ажиллагаанд амжилт хүсэн, дурсгалын зүйл гардууллаа

Мөн МАЗИН-ын Гүйцэтгэх Захирал О.Наранбаатар цаашид Японы барилгын инженерүүдийн холбоотой хамтран ажиллах хүсэлтэй байгаагаа илэрхийллээ.

 

 

ЭРХҮҮГИЙН УЛСЫН ИХ СУРГУУЛИЙН НЕФТЬ-НҮҮРСНИЙ ХИМИЙН СИНТЕЗИЙН ИНСТИТУТИЙН ПОЛИМЕРЖУУЛАЛТЫН ЛАБОРАТОРИД ЗАМ БАРИЛГЫН ЭРДЭМ ШИНЖИЛГЭЭ, СУДАЛГААНЫ ИТГЭМЖЛЭГДСЭН ТӨВ ЛАБОРАТОРИЙН ИНЖЕНЕРҮҮД ТОМИЛОЛТООР АЖИЛЛАА

“Зам, тээврийн хөгжлийн төв” ТӨҮГ нь 2016 оны 4 дүгээр сарын 27-ны өдөр ОХУ-ын Эрхүүгийн Улсын их сургуультай эрдэм шинжилгээ, судалгааны төслийн ажилд хамтрах, мэргэжилтнүүдийн мэргэжил боловсролыг дээшлүүлэх, хамтарсан судалгааны төсөл хэрэгжүүлэх зорилгоор "Хамтран ажиллах санамж бичиг" байгуулсан. 

Хамтран ажиллах санамж бичгийн хүрээнд манай төвийн Зам барилгын эрдэм шинжилгээ, судалгааны итгэмжлэгдсэн төв лабораторийн судалгаа шинжилгээ хариуцсан мэргэжилтэн Н.Бадмаанямбуу, лабораторийн материалын инженер Д.Цэдэнбалжир, битумын иж бүрэн судалгааны багийн гишүүн Н.Бямба нар Эрхүүгийн Улсын их сургуулийн Нефть-нүүрсний химийн синтезийн институтийн полимержуулалтын лабораторид 2018 оны 1 дүгээр сарын 9-өөс 13-ны өдрүүдэд полимер нэмэлттэй битум гарган авах туршилтын ажлыг амжилттай хийж гүйцэтгэлээ.

   

Мөн тус сургуультай хамтран ажиллах санамж бичиг байгуулснаас хойш хоёр талын төлөөллийн анхны уулзалт болж, Эрхүүгийн улсын их сургуулийн Захирал, Профессор К.Григоричев, гадаад харилцаа хариуцсан мэргэжилтэн Ю.Елохино, Нефть-нүүрсний химийн синтезийн институтийн захирал С.С.Суслов, Ахлах судлаач Роман Житов нар  хүлээн авч уулзалт хийлээ. 

Уулзалтаар хоёр талын хамтран ажиллах санамж бичиг амжилттай хэрэгжиж байгааг дурдаад Төвөөс хэрэгжүүлж байгаа "Зам барилгын битумын иж бүрэн судалгаа хийж, Монгол орны байгаль цаг уурын нөхцөлд тохиромжтой битумыг дотооддоо үйлдвэрлэх технологийн судалгаа"-ны ажлын талаар товчхон танилцуулсан бөгөөд Эрхүүгийн Улсын их сургуулийн удирдлагууд дараагийн уулзалтыг хоёр байгууллагын удирдлагын төвшинд хийж, цаашид мэргэжилтэн солилцож, туршлага судлах, олон төсөл хөтөлбөр хэрэгжүүлэхэд бид бүхэн үргэлж нээлттэй байна гэдгээ илэрхийлсэн. 

 

ОЛОН УЛСЫН АВТО ЗАМЫН ЭРДЭМ ШИНЖИЛГЭЭНИЙ ХУРАЛ БОЛЛОО

“Зам, тээврийн хөгжлийн төв” ТӨҮГ Зам, тээврийн хөгжлийн яамтай хамтран 2017 оны 11 дүгээр сарын 17-ны өдөр “Авто зам, замын байгууламжид нэвтрүүлж буй дэвшилтэт технологи” сэдэвт Олон улсын авто замын эрдэм шинжилгээний хурлыг Сorporate Convention Center-ийн Улаанбаатар танхимд амжилттай зохион байгууллаа. Хурлыг нээж, Зам, тээврийн хөгжлийн дэд сайд Б.Цогтгэрэл, Зам, тээврийн хөгжлийн төвийн захирал Р.Буд нар мэндчилгээ дэвшүүлж, хурлын үйл ажиллагаанд амжилт хүслээ.

 

 

  

Хуралд гадаад, дотоодын 37 байгууллагын 100 гаруй төлөөлөгч оролцож, нийт 15 судалгааны ажлын үр дүнгээр ЗТХТ, ШУТИС, БНСУ-ын KICT Барилгын технологийн институт, БНХАУ-ын “Төмөр замын 20-р товчоо” групп, “Гуанжоу Ванан Констракшн Супервишн” ХХК зэрэг олон байгууллагуудын эрдэмтэн мэргэд, судлаачид илтгэл тавилаа.

 ДэлгэрэнгүйОЛОН УЛСЫН АВТО ЗАМЫН ЭРДЭМ ШИНЖИЛГЭЭНИЙ ХУРАЛ БОЛЛОО

ДЭЛХИЙН АВТО ЗАМЧДЫН НИЙГЭМЛЭГИЙН ГИШҮҮН БАЙГУУЛЛАГААР ЭЛСЛЭЭ

"Зам, тээврийн хөгжлийн төв" ТӨҮГ 2017 оны 8 дугаар сарын 21-ний өдөр Дэлхийн авто замчдын нийгэмлэгийн /PIARC/ албан ёсны гишүүн байгууллагаар элслээ. 

БНСУ-ын Барилгын технологийн институт /KICT/-ын төлөөлөгч нартай хамтран ажиллах талаар уулзалт хийлээ

        Зам, тээврийн хөгжлийн төвийн захирал Р.Буд БНСУ-ын Барилгын технологийн институт /KICT/-ын ахлах судлаач Лим Жэ Кью болон судалгааны багын гишүүдтэй ажил хэргийн уулзалт хийлээ.

        Уулзалтын үеэр Шилэн мяндсаар хүчитгэсэн асфальтбетоны судалгааны ажлын явц, талбайн туршилтын үр дүнгийн талаар хэлэлцэж, хамтран ажиллах санамж бичгийн хүрээнд цаашид хэрэгжүүлэх ажлын талаар харилцан санал солилцлоо. 

 

ЗАМ, ТЭЭВРИЙН ХӨГЖЛИЙН ТӨВИЙН БАГ ХАМТ ОЛОН "СИБИРИЙН АВТО ЗАМ, ТЭЭВЭР, ТОНОГ ТӨХӨӨРӨМЖ"-ИЙН ҮЗЭСГЭЛЭНД ОРОЛЦЛОО.

Зам, тээврийн хөгжлийн төвийн Туршилт шинжилгээний итгэмжлэгдсэн лабораторийн эрхлэгч Д.Мөнхтүвшин ахлагчтай баг хамт олон 2015 оны 04 сарын 21-24-ний өдрүүдэд ОХУ-ын Эрхүү хотноо зохион байгуулагдсан "Сибирийн Авто зам, тээвэр, тоног төхөөрөмж"-ийн үзэсгэлэнг үзэж, туршлага судаллаа.

Үзэсгэлэнгийн үеэр ОХУ-ын Эрхүүгийн үндэсний шинжлэх ухаан, судалгааны Их сургуулийн Авто замын тэнхимийн эрхлэгч Балбонов.В.Б-тай уулзаж хамтран ажиллах талаар харилцан санал солилцож, Их сургуулийн хичээлийн болон лабораторийн туршилтын тэнхимуудтай танилцлаа.

 

Дэлгэрэнгүй...ЗАМ, ТЭЭВРИЙН ХӨГЖЛИЙН ТӨВИЙН БАГ ХАМТ ОЛОН  "СИБИРИЙН АВТО ЗАМ, ТЭЭВЭР, ТОНОГ ТӨХӨӨРӨМЖ"-ИЙН ...

Эрхэм зорилго

Зам, тээврийн салбарт эрдэм шинжилгээ, судалгаа, инновацийн үйл ажиллагааг шинжлэх ухааны үндэслэлтэй хөгжүүлж, судалгаа хөгжүүлэлтийн үр дүнг эцсийн бүтээгдэхүүн болгон үйлдвэрлэлд нэвтрүүлэх, салбарын хөрөнгө оруулалтын үр өгөөжийг нэмэгдүүлэхэд тус Төвийн эрхэм зорилго оршино.

Зочин

641440
Өнөөдөр
Өчигдөр
Энэ долоо хоногт
Энэ сард
Өнгөрсөн сард
Бүгд
386
347
386
9211
14274
641440

Таны IP: 54.80.183.100
Now is: 2018-05-20 17:49:29

Холбоо барих

Монгол Улс, Улаанбаатар хот,

Баянгол дүүрэг, 20-р хороо,

ЗТХТ-ийн байр

976-70003706
976-70007636
This email address is being protected from spambots. You need JavaScript enabled to view it.

Шуудангийн хаяг: СХД, Монгол шуудан 21-р салбар ЗТХТөв

Видео

Фото