• header3.jpg

Өвлийн хүйтний улиралд Олон улс, Улсын болон орон нутгийн чанартай Авто зам, даваагаар зорчин явж буй тээврийн хэрэгсэл эзэмшигч бүр өөрсдийн хариуцсан бүрэн авто техникийг холбогдох хангалттай шатах тослох материалууд, жолоочийн хувийн болон хамт яваа зорчигчдын ая тухтай зорчих нөхцлийг бүрэн хангаж, дулаан хувцас, хуурай хүнс хэрэгсэл зэрэг бусад бэлтгэлийг базааж, замын хөдөлгөөнд анхаарал болгоомжтой, соёлтой оролцохыг уриалж байна!

ТЕНДЕРИЙН УРИЛГА

НЭЭЛТТЭЙ АЖЛЫН БАЙРНЫ ЗАР

АВТО ЗАМЧДЫН ШИЛДЭГҮҮД ТОДОРЧ, 89 ЖИЛИЙН ТҮҮХЭН ОЙГОО УГТАЖ БАЙНА

     Монгол Улсад Авто замын салбар үүсч хөгжсөний 89 жилийн ойн баярын өдөр тохиож байна.

Монгол Улсад авто замын салбар үүсч хөгжсөний 89 жилийн ойн баярыг тохиолдуулан "Зам, тээврийн хөгжлийн төв" ТӨҮГ-аас санаачлан авто замчиддаа Монгол Улсын филармонийн Морин хуур чуулгын тоглолтын арга хэмжээг зохион байгууллаа. Тус арга хэмжээнд Зам, тээврийн хөгжлийн сайд Я.Содбаатар, ЗТХЯ-ны АЗБХЗГ-ын дарга Д.Доржханд, Монголын авто замчдын холбооны тэргүүн Т.Бямбаа нар оролцож Авто замын салбарт олон жил үр бүтээлтэй, идэвхи санаачлагатай ажиллаж, эрхэлсэн ажилдаа амжилт гаргасан авто замчдад шагнал гардуулж, Зам, тээврийн хөгжлийн сайд Я.Содбаатар нийт авто замчиддаа амжилт хүслээ.

    “Алтангадас” одонгоор П.Цагаанцоож, Б.Бадарч “Хөдөлмөрийн хүндэт” медалиар Ч.Болдбаатар “Тэргүүний замчин” тэмдэгээр С.Эрдэнэцэцэг, П.Эрдэнэчимэг, Д.Алтангэрэл, Г.Хишигбат, Х.Түмэндэмбэрэл “Онц тээвэрчин” хүндэт тэмдэгээр О.Одгэрэл Хүндэт жуух” бичгээр Б.Батцэцэг нар шагнагдлаа. Зам, тээврийн хөгжлийн сайд Я.Содбаатар Монгол Улсын Авто замын сүлжээг өргөжүүлэн хөгжүүлэх их үйлсэд хүчин зүтгэж буй нийт авто замчиддаа түүхэн ойн мэндийг дэвшүүлж,  алдар, ажлын амжилт үеийн үед үргэлжлэн хөгжихийн  ерөөлийг өргөн дэвшүүлсэн юм.

     БНМАУ, ЗХУ-ын хооронд байгуулсан хоёр улсын харилцаа, хамтын ажиллагааны хэлэлцээрийн хүрээнд тээврийн салбарыг хөгжүүлэх зорилгоор тээн нэвтрүүлэх газар 1929 онд байгуулагдаж, авто замын асуудлыг “Зам барилгын хэлтэс”-т хариуцуулснаар авто замын мэргэжлийн байгууллага хөгжиж ирсэн түүхтэй юм. Үүнээс хойш авто замчид 89 жилийн намрыг үдэж, өдгөө улсын чанартай 15321 км, үүнээс хатуу хучилттай 6047 км урт автозамын сүлжээтэй болсон нь Монголын үе үеийн авто замчид улс эх орныхоо хөгжлийн түлхүүрийг ийнхүү шат ахиулан атгалцсаар ирсний нотолгоо юм.

ЗАМ, ТЭЭВЭР ХӨГЖЛИЙН ЯАМ

АВТО ЗАМЫН САЛБАРЫН АХМАДУУДДАА ХҮНДЭТГЭЛ ҮЗҮҮЛЛЭЭ

Зам, тээврийн хөгжлийн яам, Зам, тээврийн хөгжлийн төв, Монголын авто замчдын холбоо хамтран Олон улсын ахмадын өдрийг тохиолдуулан авто замын салбарын ахмадууддаа хүндэтгэл үзүүллээ.

Хүндэтгэлийн арга хэмжээнд хэмжээнд салбарын хөдөлмөрийн баатар, гавъяатууд, ахмадууд болон ЗТХЯ-ны Авто замын бодлогын хэрэгжилтийг зохицуулах газрын хэлтсийн дарга Х.Оргил-Эрдэнэ, Зам, тээврийн хөгжлийн төвийн захирал Р.Буд, хэлтсийн дарга Б.Оюунчимэг, Монголын авто замчдын холбооны гүйцэтгэх захирал А.Уранчимэг мөн төрийн бус байгууллагуудаа төлөөлөн МАЗЭХ-ны тэргүүн И.Гэрэлмаа, МАЗЗХ-ны тэргүүн Н.Мөнхбаясгалан нар оролцлоо.

Тус арга хэмжээний үеэр Авто замын салбарын ахмадын хорооны даргыг сонгох хурлын үйл ажиллагаа явагдаж, уг ээлжит хурлаар МУ-ын гавъяат барилгачин Д.Нанзаддорж 100 хувийн саналаар сонгогдож, тэргүүлэгч 5 гишүүнийг сонгон баталгаажууллаа.

Шинээр сонгогдсон ахмадын хорооны дарга, МУ-ын гавъяат барилгачин Д.Нанзаддорж танд баяр хүргэж, ажил хөдөлмөрийн өндөр амжилт хүсэн ерөөе.

Энэ арга хэмжээнд Монголын авто замын инженерүүдийн нийгэмлэг, Монголын авто замчин эмэгтэйчүүдийн холбоо, Монголын авто замчдын үйлдвэрчний эвлэлүүдийн холбоо, монголын авто замчин залуучуудын холбоо хамтран МУГЖ Чулуунхүү,залуу дуучин Н.Цэндбаяр нарыг урин залж ахмадууддаа ая дууны мэндчилгээ дэвшүүллээ.

Image may contain: 1 person, standing and indoor

Дэлгэрэнгүй АВТО ЗАМЫН САЛБАРЫН АХМАДУУДДАА ХҮНДЭТГЭЛ ҮЗҮҮЛЛЭЭ

АВТО ЗАМ: УБ-ДАРХАН-АЛТАНБУЛАГ ЧИГЛЭЛИЙН АВТО ЗАМЫН ТҮҮХЭН БҮТЭЭН БАЙГУУЛАЛТЫН ТАЛААРХ НЭВТРҮҮЛГИЙГ ХҮЛЭЭН АВЧ ҮЗНЭ ҮҮ

Зам, тээврийн хөгжлийн төвөөс санаачлан Монголын үндэсний олон нийтийн телевизийн уран бүтээлчидтэй хамтран Улаанбаатар-Дархан-Сэлэнгэ-Алтанбулаг чиглэлийн авто замын түүхэн бүтээн байгуулалт, Авто замын тухай хууль /шинэчилсэн найруулга/-ийн дагуу авто замын салбарт шинээр нэвтрүүлж байгаа Хөдөлгөөнт эргүүл, Авто зам, гүүрийн засвар арчлалт, тэмдэг тэмдэглэгээний ажлын талаар бэлтгэсэн нэвтрүүлгийг та бүхэн хүлээн авч үзнэ үү.


Image may contain: 2 people, including Аялгуу Аялгуу, people standing, sky, child, outdoor and nature

Эрхэм зорилго

Зам, тээврийн салбарт эрдэм шинжилгээ, судалгаа, инновацийн үйл ажиллагааг шинжлэх ухааны үндэслэлтэй хөгжүүлж, судалгаа хөгжүүлэлтийн үр дүнг эцсийн бүтээгдэхүүн болгон үйлдвэрлэлд нэвтрүүлэх, салбарын хөрөнгө оруулалтын үр өгөөжийг нэмэгдүүлэхэд тус Төвийн эрхэм зорилго оршино.

Зочин

773426
Өнөөдөр
Өчигдөр
Энэ долоо хоногт
Энэ сард
Өнгөрсөн сард
Бүгд
196
1395
2507
5821
19098
773426

Таны IP: 54.84.236.168
Now is: 2018-12-12 04:50:13

Холбоо барих

Монгол Улс, Улаанбаатар хот,

Баянгол дүүрэг, 20-р хороо,

ЗТХТ-ийн байр

976-70003706
976-70007636
info@rtdc.gov.mn

Шуудангийн хаяг: СХД, Монгол шуудан 21-р салбар ЗТХТөв

Видео

 

Фото