• header3.jpg

Өвлийн хүйтний улиралд Олон улс, Улсын болон орон нутгийн чанартай Авто зам, даваагаар зорчин явж буй тээврийн хэрэгсэл эзэмшигч бүр өөрсдийн хариуцсан бүрэн авто техникийг холбогдох хангалттай шатах тослох материалууд, жолоочийн хувийн болон хамт яваа зорчигчдын ая тухтай зорчих нөхцлийг бүрэн хангаж, дулаан хувцас, хуурай хүнс хэрэгсэл зэрэг бусад бэлтгэлийг базааж, замын хөдөлгөөнд анхаарал болгоомжтой, соёлтой оролцохыг уриалж байна!

НЭЭЛТТЭЙ АЖЛЫН БАЙРНЫ ЗАР

Image may contain: text

ХЭЛЭЛЦҮҮЛЭГ БОЛЛОО.

"БИТУМЫГ АШИГЛАЛТЫН ҮЗҮҮЛЭЛТ /PG/-ЭЭР АНГИЛАХ ТЕХНИКИЙН ШААРДЛАГА, ТУРШИЛТЫН АРГЫН СТАНДАРТ"-ЫН ХЭЛЭЛЦҮҮЛЭГ АМЖИЛТТАЙ ЗОХИОН БАЙГУУЛАГДЛАА.

Image may contain: one or more people, people sitting and indoorImage may contain: 2 people, indoor

Image may contain: 14 people, people smiling, people sitting and indoor

 

 

СУРГАЛТ ЗОХИОН БАЙГУУЛЛАА

Зам, тээврийн хөгжлийн төвөөс гурав дахь жилдээ зохион байгуулж байгаа Авто замын засвар арчлалтын компаниудын инженер техникийн ажилтнуудад зориулсан "Авто замын засвар арчлалт, ашиглалтын өнөөгийн байдал цаашид хэрэгжүүлэх арга хэмжээ" сэдэвт сургалт амжилттай зохион байгуулагдлаа. Сургалтанд Авто замын засвар арчлалтын компаниудын 51 инженер техникийн ажилтнууд хамрагдаж Сертификат авлаа.

Image may contain: 4 people, people sitting and indoor

Image may contain: one or more people and indoor

Image may contain: 3 people, screenImage may contain: 2 people

Image may contain: 2 people, people sittingImage may contain: 2 people

Image may contain: 1 person, indoorImage may contain: 2 people, indoor

 

 

НЭЭЛТТЭЙ АЖЛЫН БАЙРНЫ ЗАР

Image may contain: text

Image may contain: text

ШАГНАЛ ГАРДУУЛАХ ЁСЛОЛ БОЛЛОО.

Монгол Улсын бүтээн байгуулалтын цаг үе бүхэнд түүчээлэн оролцож, хөгжил дэвшил бүхнийг тэргүүлж байдаг Зам, тээврийн салбарын шилдгүүд төрийн одон медалиар энгэрээ мялаалаа.

XVII жарны “Урвуулагч” хэмээх Шороон гахай жилийн сар шинийн босгон дээр салбартаа идэвх зүтгэл гарган, үр бүтээлтэй ажилласан хүмүүсийг Төрийн дээд одонгоор шагналаа. Шагналыг ЗТХ-ийн сайд Б.Энх-Амгалан, Төрийн нарийн бичгийн дарга С.Батболд нар гардууллаа.

Авто замын салбараас Төрийн дээд Алтан гадас одонгоор "Түмдэлгэрэх" ХХК-ийн захирал Ш.Энхням, Хөдөлмөрийн хүндэт медалиар Зам, тээврийн хөгжлийн төвийн Барилга угсралтын хяналтын хэлтсийн дарга М.Ган-Эрдэнэ, "Арж рөүд" ХХК-ийн захирал Т.Дүүдэй нар шагнууллаа.

Та бүхний ажил амьдралын алтан шар зам өлзийтэй байх болтугай.

Image may contain: 7 people, people smiling

 

Image may contain: 2 people, suitImage may contain: 6 people, people smiling

 

МЭНДЧИЛГЭЭ

МЭНДЧИЛГЭЭ

Image may contain: 1 personБилгийн тооллын хаврын тэргүүн сарын уламжлалт сар шинийн баярыг тохиолдууулан Авто замын салбарын үе үеийн замчид, тэдний гэр бүл болон зам хэрэглэгч ард иргэд та бүхэндээ чин сэтгэлийн халуун мэндчилгээ дэвшүүлж, сэтгэлийн цэнхэр хадаг барин мэндчилье. 

Эд баялгийн шороон гахай жилдээ аманд нь амар мэндийн ерөөл бялхаж, атганд нь азын дөрвөн бэрх багтаж, айл гэр бүр элбэг дэлбэг байж, амар сайхан шинэлэхийг хүсэн ерөөе. 

Улиран одож буй “Тийн унжлагат” хэмээх шороон нохой жил авто замчид бидэнд болон Зам тээврийн төвийн хамт олонд ивээл буян жигд ололт ухаарал, амжилт бүтээл дүүрэн сайхан жил байлаа. 

Монгол Улсын Их Хурлаар Авто замын тухай хууль шинэчлэн найруулснаар батлагдаж, тус төвийн эрх, үүрэг өргөжин Зам Тээврийн Хөгжлийн Яамны шийдвэр дэмжлэгээр олон асуудлууд хэрэгжиж эхэлснээр Хяналтын зардлын хувь нэмэгдэж, Захиалагчийн хяналтыг 6 бүс болгон өргөжүүлж, Норм нормативын санг бүрдүүлэх, хэрэгжүүлэх ажлыг хариуцан гүйцэтгэж, улмаар Эрдэм шинжилгээ судалгааны хүрээлэнтэй болох шийдвэр гарч, ДАЗН-ын гишүүн байгууллагаар шинээр элсэж үйл ажиллагааны цар хүрээ тэлж, шинэ оффисын байр, спорт заал, цайны газартай болж ажилтнуудын ажиллах орчин сайжирч тохижлоо. 

Энэ 2019 онд Авто замын салбар үүсч хөгжсөний түүхт 90 жилийн ой тохиож байна. Энэхүү ойгоо угтан Монгол орноо авто замжуулах их үйлсэд оюун ухаан, хүч хөдөлмөрөө дайчлан ажиллаж ирсэн үе үеийн замчдынхаа үйлс бүтээлийг алдаршуулах, түүхчлэн үлдээх, Аймгийн төвүүдийг авто замаар холбох ажлыг эрчимжүүлэн улс орныхоо хөгжилд үнэтэй хувь нэмэр оруулах, Авто замын сүлжээний засвар арчлалт, хамгаалалтын ажлыг чанаржуулан зам хэрэглэгчдийн ая тухыг стандартын нөхцөлд ойртуулж, шинэ техник технологийн ололтыг нэвтрүүлж олон улсын түвшинд хүрч ажиллах олон зорилт тавигдаж байна. 

Авто замчид маань энэ бүх зорилтоо амжилттай биелүүлж дараа жилийн сар шинэдээ амны билэг дүүрэн золгож, Ард иргэд маань сайн замаар саадгүй зорчин ажил амьдралд нь Алтан шар замын буян хишиг дүүрэн байхын өлзий ерөөлийг өргөн дэвшүүлье.

“Зам, тээврийн хөгжлийн төв” ТӨҮГ-ын захирал,
МОНГОЛ УЛСЫН ГАВЬЯАТ БАРИЛГАЧИН
РЭНЦЭНГИЙН БУД

Эрхэм зорилго

Зам, тээврийн салбарт эрдэм шинжилгээ, судалгаа, инновацийн үйл ажиллагааг шинжлэх ухааны үндэслэлтэй хөгжүүлж, судалгаа хөгжүүлэлтийн үр дүнг эцсийн бүтээгдэхүүн болгон үйлдвэрлэлд нэвтрүүлэх, салбарын хөрөнгө оруулалтын үр өгөөжийг нэмэгдүүлэхэд тус Төвийн эрхэм зорилго оршино.

Зочин

892290
Өнөөдөр
Өчигдөр
Энэ долоо хоногт
Энэ сард
Өнгөрсөн сард
Бүгд
64
902
5386
17784
26189
892290

Таны IP: 18.232.147.215
Now is: 2019-04-19 00:57:55

Холбоо барих

Монгол Улс, Улаанбаатар хот,

Баянгол дүүрэг, 20-р хороо,

ЗТХТ-ийн байр

976-70003706
976-70007636
info@rtdc.gov.mn

Шуудангийн хаяг: СХД, Монгол шуудан 21-р салбар ЗТХТөв

Видео

 

Фото