Зам, тээврийн хөгжлийн яам болон Монголын авто замчдын холбоо хамтран зохион байгуулсан “Авто зам-Экспо 2022” олон улсын үзэсгэлэн энэ сарын 24, 25-ны өдрүүдэд Буянт ухаа спортын ордонд болж өндөрлөлөө.

          Үзэсгэлэнгийн нээлтэд Зам, тээврийн хөгжлийн яамны Төрийн нарийн бичгийн дарга С.Батболд, тус яамны Авто замын бодлогын хэрэгжилтийг зохицуулах газрын дарга Б.Оюундэлгэр, Монголын Авто замчдын холбооны Ерөнхийлөгч, Монгол Улсын зөвлөх инженер Т.Бямбаа, Зам, тээврийн хөгжлийн төв ТӨҮГ-ын дарга Х.Пүрэвжаргал болон авто замын салбарын ахмад ажилтнууд, ивээн тэтгэгч байгууллагуудын удирдлагууд оролцлоо.

         Тус үзэсгэлэнд “Зам, тээврийн хөгжлийн төв” ТӨҮГ үйл ажиллагаагаа танилцуулахын зэрэгцээ 32 төрлийн  стандарт, норм, дүрэм, техникийн шаардлагын баримт бичиг мөн Romdas үйлдлийн систем бүхий иж бүрэн тоноглолтой авто машин, гадаргуун боловсруулалтын машин, механизм, автозамын засвар арчлалтын машин зэрэг 7 төрлийн машин, 5 төрлийн тоног төхөөрөмжийг танилцууллаа.

 Үйл явдалтай холбоотой бусад зургийг эндээс үзнэ үү.