Өнөөдөр буюу 2024.03.13-ны өдрийн 16:30 цагийн байдлаар нийт нутгаар зам даваа саадгүй цаг агаар тогтуун авто замаар зорчих тээврийн хэрэгслийн хөдөлгөөн хэвийн.

Шуурхай ажлын хэсгүүд хариуцсан авто замын бэлэн байдлыг хангуулан ажиллаж байна.

Цэцэрлэг-Тосонцэнгэл чиглэлийн улсын чанартай авто замын 30-50 км-т шар усны үерийн аюулаас сэргийлж ус зайлуулах хиймэл байгууламжийн ус орох, гарах талыг хааж хунгарласан цасыг цэвэрлэлээ.

Улаангом-Түргэн сум-Байрмын даваа-Ачит нуур-Өлгий чиглэлийн авто замын 48-48.5 км-т халиа дошингоос хамгаалах суваг татах, 46-53 км-т замын нарийссан хэсгийг авто ачигчаар хусаж өргөтгөв.

Улаанбаатар-Арвайхээр чиглэлийн авто замд шар усны үерийн аюулаас сэргийлж ус зайлуулах хоолойн орох, гарах хэсгийн цасыг цэвэрлэж тагийг онгойлгох ажил хийлээ.