Өнөөдөр буюу 12 дугаар сарын 27-нд Монгол Улсын Засгийн газрын гишүүн, Зам, тээврийн сайд Б.Дэлгэрсайхан эрхэлсэн ажилдаа үр бүтээлтэй ажилласан салбарын шилдэг ажилтан, албан хаагчдыг хүлээн авч, шагнал гардуулж, цаашдын ажилд нь амжилт хүсэв. Тэрээр зам тээврийн салбарын хөгжил, ажлын үр дүн, ахиц дэвшилд та бүхний ажилдаа хандах хандлага, хичээл зүтгэл, оруулж буй хувь нэмэр чухал үүрэг гүйцэтгэж байгаа гэдгийг онцолсон. Энэ үеэр “Зам, тээврийн хөгжлийн төв” ТӨҮГ-ын Барилга угсралтын хяналтын хэлтсийн Хяналтын инженер Д.Лхагвасүрэн, Хяналтын инженер М.Энэбиш нар салбарын сайдаас “Хөдөлмөрийн хүндэт медаль” гардлаа.

    Мөн энэ өдөр “Зам, тээврийн хөгжлийн төв” ТӨҮГ-ын Захирал Д.Оюунболд тус байгууллагын Эрдэм шинжилгээ, судалгааны инновацын хэлтсийн дарга Т.Хоролсүрэн, Барилга угсралтын хяналтын хэлтсийн Хяналтын инженер С.Батзориг нарт “Хөдөлмөрийн хүндэт медаль”, ахмад Хяналтын инженер Х.Басанд “Хөдөлмөрийн гавьяаны улаан тугийн одон” гардуулж, цаашдын ажил үйлсэд нь амжилт, амьдралд нь сайн сайхныг хүслээ.