Авто зам ашигласны хураамжийг CANDY-ээр төлдөг болно
Зам, тээврийн хөгжлийн төв ТӨҮГ Мобифинанс ББСБ-тай хамтран ажиллах гэрээ байгууллаа.
Ингэснээр авто зам ашиглалтын хураамжийг цахим мөнгө буюу candy-ээр төлөх боломж бүрдэж байгаа юм.
Өөрөөр хэлбэл та бэлэн мөнгөгүй эсвэл банкны картаа гээсэн, орхисон тохиолдолд авто замын Төлбөр авах цэгүүдэд байршуулсан QR кодыг CandyPay аппликейшнаар уншуулаад хураамжаа төлөх боломжтой.
Талууд хамтын үйл ажиллагааныхаа хүрээнд Монгол улсын хэмжээнд бүх Төлбөр авах цэгүүдэд зам ашигласны хураамж авах QR код байршуулах юм. Өдгөө Нийслэлийн ойр орчмын Төлбөр авах цэгүүдэд QR код байршуулахад бэлэн болсон бөгөөд энэ сарын дунд үеэс эхлэн candy-ээ уншуулаад зам ашигласны төлбөрөө төлж эхлэх боломжтой болж байна.
Эрхэм жолооч таны алтан шар зам өлзийтэй байх болтугай!
