“Зам, тээврийн хөгжлийн төв” ТӨҮГ БНСУ-ын KICT Барилгын технологийн институттай хамтран ажиллах санамж бичиг байгуулсны хүрээнд монгол орны авто замын сүлжээний ашиглалтын бэлэн байдлыг хангахад чиглэсэн “Авто замын хучилтын хяналтын систем (PMS)” төслийг нэвтрүүлэх суурь судалгааг хэрэгжүүлэхээр болсон билээ.

Энэ хүрээнд өнөөдөр “Зам, тээврийн хөгжлийн төв” ТӨҮГ-ын захирал Х.Пүрэвжаргал, Эрдэм шинжилгээ, судалгаа, инновацийн хэлтсийн дарга Т.Хоролсүрэн нар KICT Барилгын технологийн хүрээлэнгийн доктор Лим Жэ Кюү /Ph.D/, Ким Пионг Рая нартай уулзаж, цаашдын үйл ажиллагааны талаар санал солилцлоо.