Олон улсын хөдөлмөрийн байгууллагаас жил бүрийн дөрөвдүгээр сарын 28-ны өдрийг “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр“ болгон тэмдэглэдэг.

Энэ жилийн сарын аяныг “Уур амьсгалын өөрчлөлтийн нөхцөлд эрүүл, аюулгүй хөдөлмөр эрхэлцгээе” уриатайгаар тэмдэглэж байна.

Дээрх аяны хүрээнд өнөөдөр /2024.04.29/ Зам, тээврийн хөгжлийн төв ТӨҮГ-ын албан хаагч, ажилчид Хөдөлмөрийн аюулгүй байдал эрүүл ахуйн сургалтад хамрагдлаа.

Ташрамд дурдахад, манай улс 2012 оноос хөдөлмөрийн аюулгүй байдал, эрүүл ахуйн сарын аяныг өрнүүлж, хууль тогтоомжийг сурталчлах, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, ажилтны эрүүл мэндийг хамгаалах, ажлын байрны соёлыг төлөвшүүлэх зэрэг үйл ажиллагаа зохион байгуулдаг уламжлалтай.