Зам тээврийн сайд Б.Дэлгэрсайхан Азийн хөгжлийн банкны төлөөлөгчдийг хүлээн авч уулзлаа
Монгол Улсын Засгийн газрын гишүүн, Зам тээврийн сайд Б.Дэлгэрсайхан Азийн хөгжлийн банкны Төв болон Баруун Ази, Зүүн Ази, Номхон Далайн бүсийн тээврийн захирал ноён Чен Чен тэргүүтэй төлөөлөгчдийг хүлээн авч уулзлаа.
Уулзалтаар талууд Монгол Улсын зам тээврийн салбарт баримтлах бодлого чиглэл, тэр дундаа босоо тэнхлэгийн авто замуудыг шинэчлэн сайжруулах, энэ чиглэлд хэрэгжүүлэхээр төлөвлөж буй төсөл хөтөлбөрүүдийн талаар дэлгэрэнгүй ярилцав. Мөн хамтран ажиллах боломжуудын талаар санал солилцлоо.
Азийн хөгжлийн банкны төлөөлөгчид үйл ажиллагааны төлөвлөгөө болох дунд шатны үнэлгээний талаарх танилцуулга мэдээллийг өгч цаашид хамтран хэрэгжүүлэх төсөл хөтөлбөрүүдийг талуудын стратегийн бодлого, зорилттой уялдуулан хэрэгжүүлэх, хөрөнгө оруулалтын үр дүнг Монгол Улсад төдийгүй нийгэм эдийн засагт илүү үр өгөөжтэй, ашигтай, эргэлттэй байхаар төлөвлөж ажиллах нь чухал гэдэгтэй санал нэгдэв.
