”Зам, тээврийн хөгжлийн төв” ТӨҮГ-ын Барилга угсралтын хяналтын хэлтсийн мэргэжилтнүүд 2025 оны авто зам, замын байгууламжийн барилгын ажил эхлэхтэй холбогдуулан хяналтын инженерүүдэд инженерийн шийдэл, ёс зүйн хэм хэмжээ, хяналт шалгалтын чиглэлээр сургалт, арга зүйн зөвлөгөөнийг зохион байгууллаа. Зөвлөгөөнд “Зам тээврийн яам”-ны Авто замын бодлого зохицуулалтын газар, Салбар хяналтын газар мөн  Авилгатай тэмцэх газар, Авто замчдын Үйлдвэрчний Эвлэлүүдийн холбоо зэрэг байгууллагууд хамтран ажиллаж:

– Авто замын салбарын төрийн хяналт шалгалт

– Авто зам, замын байгууламжийн барилга угсралтын ажлын төсөв, гүйцэтгэл

– Авто зам, гүүрийн барилга угсралтын ажлын өдөр тутмын техник технологийн хяналт хэрэгжүүлэх журам, хэрэгжилт

– PIMIS буюу хөрөнгө оруулалтын цахим программ

– Чанар байдлын дүгнэлт, ТАТТ судалгааны ажил

– Хөдөлмөрийн аюулгүй байдал, эрүүл ахуй

– Байгаль орчин, түүнд нөлөөлөх байдал

– Хувь хүний хөгжил, ажлын байрны сэтгэл зүй, харилцаа,

– Авлига, ашиг сонирхлын зөрчлөөс урьдчилан сэргийлэх нь зэрэг сэдвээр мэргэжил арга зүйн зөвлөгөө өгч, 2025 онд өөрчлөлт орсон дүрэм, журмыг танилцуулан , инженерүүдтэй харилцан ярилцлаа.