---

         Гэр бүл, хөдөлмөр нийгмийн хамгааллын яамнаас Хөдөлмөрийн аюулгүй байдал, эрүүл мэндийн хөгжил-Хиймэл оюун ухааны хэрэглээ ба цахимжилт уриан дор “Хөдөлмөрийн аюулгүй байдал, эрүүл ахуйн сарын аян-2025”арга хэмжээг зохион байгуулж байна. Зам, тээврийн яамнаас энэхүү аяныг зам, тээврийн салбарт хэрэгжүүлэх төлөвлөгөөг баталсан. “Зам, тээврийн хөгжлийн төв” ТӨҮГ дээрх аяны хүрээнд болон байгууллагын дотоод үйл ажиллагаатай уялдуулан 2025 оны 04 дүгээр сарын 07-ны өдөр Хөдөлмөрийн аюулгүй байдал, эрүүл ахуйн сургалтыг зохион байгууллаа.

 Сургалтыг “Монголын цахим институт”-ийн ХАБЭА-н сургагч багш, магистр, олон улсын тэргүүлэх аудитор А.Алтаннавч удирдан явуулж, “Зам, тээврийн хөгжлийн төв” ТӨҮГ-ын  нийт ажилтан, албан хаагчид хамрагдав. Сургалтыг

– ХАБЭА-н хууль, дүрэм, журам, стандартыг мөрдөж ажиллах, хиймэл оюун ухааны хэрэглээ ба цахимжилт

 – Мэргэжлээс шалтгаалах өвчин, хөдөлмөрийн нөхцөл, сөрөг хүчин зүйлийн нөлөөлөл, ажлын байран дээрх Эргономик хүчин зүйл

 – Хувийн хамгаалах хэрэгслийн хэрэгцээ, ач холбогдол, тавигдах шаардлага

 – Тоног төхөөрөмжтэй харьцах аюулгүй ажиллагааны дүрэм, журам, стандарт

 – Замын машин механизм, тоног төхөөрөмжтэй ажиллах үеийн аюулгүй ажиллагаа гэсэн сэдвүүдийн хүрээнд явуулж,  сургалтын үр дүнгийн сорилын тест авлаа.