“АЖИЛ АМЬДРАЛЫН ТЭНЦВЭР” СЭДЭВТ ГАР ЗУРАГ, ЭСЭЭ БИЧЛЭГИЙН УРАЛДААН ЗАРЛАЛАА
Гэр бүл, хөдөлмөр нийгмийн хамгааллын яамнаас 2025 оныг Хөдөлмөрийн аюулгүй байдал, эрүүл мэндийн хөгжил – Хиймэл оюун ухааны хэрэглээ ба цахимжилт уриан дор “Хөдөлмөрийн аюулгүй байдал эрүүл ахуйн сарын аян -2025” арга хэмжээг зохион байгуулахаар төлөвлөсний дагуу хүүхдүүдийн дунд ЗАМ, ТЭЭВРИЙН САЛБАРТ АЖИЛЛАГСАДЫН “АЖИЛ АМЬДРАЛЫН ТЭНЦВЭР” уралдааныг зарлаж байна.
Энэхүү уралдаан нь Монгол улсын ирээдүй болсон хүүхэд багачуудын дотоод ертөнц, тэдний нүдээр зам, тээврийн салбарын үйл ажиллагааг хүүхэд багачуудад сурталчлан таниулах, учирч болзошгүй осол, эрсдэлээс урьдчилан сэргийлэх, сэрэмжлүүлэх арга хэмжээнд сургах, гар зураг, эсээ бичлэгээр дамжуулан Зам тээврийн үйл ажиллагаатай холбогдолтой мэдлэг олгож, сэтгэн бодох чадварыг сайжруулах зорилготой юм.
Уралдааны материалыг 2025 оны 04 дүгээр сарын 18-ны өдрөөс 04 дүгээр сарын 25-ны өдрийн 17 цаг 30 минут хүртэл “Зам, тээврийн хөгжлийн төв” ТӨҮГ-ын Захиргаа, санхүүгийн хэлтсийн 206 тоотод хүлээн авч, 04 дүгээр сарын 28-ны өдөр шалгаруулна.
