Уулзалтын эхэнд Төрийн нарийн бичгийн дарга С.Батболд төлөөлөгчдөд хүрэлцэн ирсэнд нь талархал илэрхийлээд, зам, тээврийн салбарт хэрэгжүүлж буй томоохон төслүүдийн талаар дэлгэрэнгүй мэдээлэл өглөө.

Тухайлбал, “Монгол Улсын тээврийн холболт болон логистикийг сайжруулах төсөл” төслийн үндсэн ажлууд болох “Багц ” дүгээр хэсгийн Улаанбаатар-Өндөрхаан чиглэлийн км авто замын их засварын ажил, Арвайхээр – Баянхонгор чиглэлийн км авто замын их засварын ажил болон “Багц 2” дугаар хэсгийн Улаанбаатар – Арвайхээр чиглэлийн км авто замын ээлжит болон их засварын ажлыг танилцуулав.

Дэлхийн банкны зүгээс хөрөнгө оруулалтын тал дээр Зам, тээврийн яам ямар бодлого баримталж буйг сонирхон асуугаад, “Монгол Улсын авто замын салбарт уур амьсгалын өөрчлөлтөөс бий болж буй цэвдгийн эрсдэлийг бууруулах техник туслалцааны төсөл” – ийг Япон Улсын Засгийн газартай хамтран хэрэгжүүлж эхлүүлэх талаар санаачлага гарган хамтран ажиллаж буйгаа онцоллоо.

Энэхүү төсөл нь Монгол Улсын авто замын салбарт уур амьсгалын өөрчлөлтөөс бий болж буй цэвдгийн нөлөөгөөр үүссэн авто замын эвдрэлийн асуудлыг шийдвэрлэхэд томоохон нөлөө үзүүлнэ хэмээн найдаж буйгаа Төрийн нарийн бичгийн дарга С.Батболд онцлов.

Уулзалтын төгсгөлд, Дэлхийн банкнаас хөрөнгө оруулалт болон бусад асуудалд туслалцаа үзүүлэхэд бэлэн гэдгээ илэрхийлсэн юм.