ХАМТРАН АЖИЛЛАХ САНАМЖ БИЧИГТ ГАРЫН ҮСЭГ ЗУРЛАА
“Зам, тээврийн хөгжлийн төв” ТӨҮГ-ын захирал Д.Оюунболд, Авто замын сургалт, судалгааны институтийн “Ай Роуд” ХХК-ийн Гүйцэтгэх захирал И.Гэрэлмаа нар өчигдөр буюу 2025 оны 05 дугаар сарын 08-ны өдөр хамтран ажиллах санамж бичигт гарын үсэг зурлаа.
Санамж бичгийн хүрээнд авто замын салбарт шинжлэх ухаан, технологид суурилсан мэдлэгийг үйлдвэрлэлд нэвтрүүлэх, авто замын салбарт тулгамдаж буй асуудлыг шинжлэх ухаанчаар судлан асуудлыг дэвшүүлэх, хамтран сургалт зохион байгуулах, авто замын салбарын мэргэжилтэн, инженер техникийн ажилтнуудыг судалгаа шинжилгээний ажилд идэвхжүүлэх зорилгоор хамтран ажиллах юм.
“Ай Роуд” ХХК нь авто замын барилга угсралт, арчлалтын чиглэлээр судалгаа шинжилгээний ажил хийх, төсөл боловсруулах, орчин үеийн дэвшилтэт технологийг нэвтрүүлэх, авто замын материалын чанарыг сайжруулах, хөгжүүлэхэд үйл ажиллагаагаа чиглүүлдэг судалгааны институт юм. Санамж бичиг байгуулах үед тус институтийн судалгааны зөвлөлийн гишүүн Монгол Улсын Зөвлөх инженер, Доктор (Ph.D ) Д.Энхбаатар, Монгол Улсын Зөвлөх инженер Р.Балжир, Авто замын инженер М.Соёлнэмэх нар болон “Зам, тээврийн хөгжлийн төв” ТӨҮГ-ын удирдах албан тушаалтнууд байлцав.
