“К-СМАРТ” ТӨСЛИЙН БАГ 1-Р ЖИЛИЙН АЖЛАА ТАЙЛАГНАЛАА
Монгол улсын Зам, тээврийн яам, “Зам, тээврийн хөгжлийн төв” ТӨҮГ болон Бүгд Найрамдах Солонгос улсын Газар, дэд бүтэц, тээврийн яам, Олон улсын хөгжлийн тусламжийн байгууллагын (ODA) хөтөлбөрийн хүрээнд хэрэгжүүлж буй “K-Смарт авто замын менежментийн системд суурилсан улсын чанартай авто замын дижитал тогтолцоог хөгжүүлэх төсөл” -ийн БНСУ-ын баг өнөөдөр 2025 оны 06 дугаар сарын 03-ны өдөр Улаанбаатар хотноо уг төслийн 1-р жилийн ажлын тайлангаа танилцуулж, 2-р жилийн ажлын төлөвлөгөөг танилцууллаа.
2024-2028 онд буюу дөрвөн жилийн хугацаанд хэрэгжих энэхүү төсөл:
1. Авто замын менежментийн систем ( RMS)-ын ерөнхий төлөвлөгөө боловсруулах
2. API-д суурилсан авто замын хучилтын удирдлагын систем (PMS) боловсруулах, туршилт, тохируулга
3. Цахим мэдээлэлд суурилсан авто замын хучилтын чанарын удирдлагын систем (PQMS) боловсруулах, туршилт, тохируулга
4.Авто зам болон хучилтын чанарын удирдлагын салбарын мэргэжилтнүүдийг чадавхжуулах гэсэн хүрээг хамарч байгаа юм.
Маргааш буюу 2025 оны 06 дугаар сарын 04-ний өдөр төслийн техникийн семинар болно.
